صفحتي علي الجوجل

الاغنيه العربيه بقلم ماجده سليمان

عجبي على الأغنية العربية

كلميني يا أمه واحكيلي ع اللي كان ..

فكريني يا أمه بالعروبة اللي اتنست من زمان ..

كلميني عن القومية وفكريني بالوحدة الوطنية ..

واحكيلي يا أمه عن حرب ثمانية وأربعين ..

واللي حصل في فلسطين ..

غنيلي يا أمه فدائي عبد الحليم ..

وفكريني يا أمه بأم كلثوم ..

وقوليلي يا أمه ليه العود اتنسى ..

والغنوة بقت فرفشه ورقص ومحلسه ..

ليه رضينا نكون نص نص مع نانسي ..

واتمنينا نطلع الروف مع بوسي ..

ولو عاوز تعرف تعالى لتينا ..

بقمصان النوم والفساتين عريانه ..

وبص وشوف واسهر شويه معانا ..

ومهما رحنا ولا جينا ..

هنلاقي شمس مستنيانه ..

وقول كلام غير ده ودلع نفسك ويانا ..

ومع روبي هتلاقي سبع ورقات كوتشينه

خدها والعب مع ماريا ..

ومع الحليب والكورن فليكس

هتلاقيها في البانيو مستنيه ..

وبراحة على ديرو شويه ..

دي مش حمل أسيه ..

وياسلام على لوسي ..

دي مؤهلاتها طبيعيه ..

ويامغير حالي آدي اللي جرالي ..

بالرقص تحلا الأغنيه ..

وأنا والشوق يطول ليلي ..

ومريام كلها حنيه ..

البطن مكشوفة ومش مكسوفه ..

وتنكسف ليه ..

دي مؤهلات مطلوبة للقنوات الفضائية ..

وعجبي على الأغنية العربية ..

ادب ساخر

هموم ضاحكة
شر البلية ما يضحك

سألنى : هل ترى ان مقاطعة اللحوم فى الفترة الأخيرة جاءت بنتائج إيجابية .. قلت: نأكلها الأول وبعدين نحكم

سألنى : أرجوك ان تدلنى على كوبرى واحد لايوجد به كمين أمنى .. قلت: ان تكون انت الكوبرى

سألنى: تعتقد ماهو الحل لايقاف جرائم انتحار الشباب التى بدأت تتزايد فى الفترة الأخيرة .. قلت: ان تتم إضافة جرائم الإنتحار لقانون الطوارىء بجانب جرائم المخدرات والإرهاب ويتم اعقال كل الشباب

سألنى : كيف أكون رمزا من رموز الحركات الوطنية الإحتجاجية السائدة هذه الأيام .. قلت: اسمع ياسيدى
- وطد علاقاتك بمقدمى ومعدى برامج
التوك شو
- ادخل على الانترنت وكن ناشطا على
الفيس بوك
- اضغط كليك يمين وكوبى وبيست من شعارات كفاية
- انزل واهتف فى شارع عبد الخالق ثروت

سألنى : طبعا قرأت مانشرته الصحف بأن الجنية المصرى فى أقوى حالاته .. قلت: طبعا لازم يكون فى اقوى حالاته لأن
" مافيش حد عارف يطوله "

قال احد البخلاء للمطرب الشهير : لقد أعجبنى ألبومك الأخير كثيرا .. لدرجة اننى كدت ان اشتريه

زواجك من ابنه مديرك فى العمل هو الدليل على انك لاترى " الثلاث نقاط"
التى تفرق بين كلمتى
" الكوشة".. و" الكوسة"

لم اكن اعرف قيمة هذا المنافق إلا بعد ان عرفت ثمن الحذاء الذى يلبسه

مستلزمات ازمة منتصف العمر :
زجاجة صبغة ، وشريط فياجرا ، ودفتر شيكات

توقفت اخيرا عن تكبير دماغى خوفا ان اعجز فيما بعد عن اخراجها من "التى شيرت "
الذى ارتديه

الشعر الأبيض لايعيب صاحبه بشرط الا يكون ماتحته .. ابيض ايضاً

الطبقة المتوسطة هى الطبقة التى خرجت من عنق الزجاجة بحثا عن.. عنق الفرخة

الاحداث الجارية اثبتت ان العربى للعربى
يشد بعضهم بعضا .. من ياقة القميص

المنع والمنح .. الترهيب والترغيب..
سيف المعز وذهبه .. العصا والجزرة ..
تامر بسيونى ومحمود سعد

ونختمها بشعر
من روميو بولاق

انا هايم ف الدنيا لوحدى تايه..سارح..ف المجهول
شفتك طالة من البلكونة بتنادى على بتاع الفول
كنت ساعته ح اقلد روميو وحاتشعبت لك ف البلكونة
بس انا خفت جيرانكو تشوفنا وعلى قسم الشرطة تودينا
دورت ساعتها على قلبى ومن لحظتها خلاص مالقيته
حبيتك من اول نظرة اصل عيونك مالهاش بصة
شفتك تانى ف البلكونة بتنشرى شرابات ع الحبل
وحدفتيلى شراب جوز خالتك وانا خدته فقلبى وحطيته
يخرب بيت الحب وسيرته
الله يخرب بيته

وعجبى على الشعرم "مش الشعر"
اهو ده الكلام
والشعراللى بحق وحقيقى

هاهاهااااي